top of page

Hljóðin

Borgarhljóð

úr hverju eru þau gerð?

ruslabílar koma og sækja tunnur

vindur blæs milli tveggja manna

sem tala á ógreinilegu tungumáli

meðan þeir smella saman stillönsum

sírenuvæl fjarar út

í morgunmyrkrinu

ískur í járnsög, skrölt í kaffivél, einhver

er að smyrja beyglu, fólk mætir til vinnu

eða sefur vært

meðan ég hlusta

á hljóðin

hljóðin fanga huga minn og eigna sér hann.


kona sefur í sófanum

og köttur sefur á milli fóta hennar

það er nóvember

klukkan er meira en átta

og það er enn dimmt

dimmt úti.


nágrannarnir eru að fara á fætur

þeir fara sér rólega

borða morgunkorn, búa til hafragraut, kaffi

stöku orð eru sögð á himnesku

það er setið og verið og hlustað.


Draugar

tók drauga mína með mér á hótelið leyfði þeim að þjóta um öll herbergi fylla þau og glæða lykt og lit ég ásæki þennan stað hann ásækir mig ekki

Fuglinn

fann beinagrind úr fugli í krækiberjalyngi uppi í fjallshlíðinni dó hann af náttúrulegum orsökum?

Stjarna

hún heldur augum sínum opnum upp á gátt meðan ég reyni að skjóta loku fyrir allt það er munurinn

댓글


  • Instagram
  • Facebook
bottom of page